Mummi back in Iceland

Ok -mér fer nú bara að líða eins og J.K. Rowling höfundi Harry Potter bókanna með öll þessi skilaboð frá æstum aðdáendum síðunnar minnar hehehe -Gaman að vita að þið fylgist með og hafið áhuga á að lesa um afrek mín hérna í útlandinu...
Núna eru ca 4 vikur eftir af skólanum og rosalega mikið að gera - ég hef þar af leiðandi ekki gefið mér mikinn tíma til að setjast hérna við skriftir. Var að vinna í músíkritgerð til kl 3:30 í nótt og vaknaði svo kl 7:30 að vanda til að fara í skólann. Önnur ritgerð bíður mín uppá amk 10 síður fyrir utan stóra dansverkið okkar um hana Lucy uppá himni með demöntum :) - Svo þarf ég að klára sóló fyrir Composition tíma etc etc... nóg að gera. Ég er líka búinn að þjást af miklum orkuskorti þessar síðustu vikur - búið að vera erfiður vetur með miklu álagi og breytingum í mínu lífi. En nú er farið að vora loksins og það fyllir mann krafti fyrir lokaátökin. Spáir 15°C á morgun og sól - verður sko ljúft að njóta þess.
Gifsið er farið af og núna er ég með spelku sem ég get tekið af mér þegar ég vil - nota hana til þess að verja úlnliðinn eins og í danstímum og þegar ég sef. Er líka í sjúkraþjálfun og á fljótlega að fara að byrja á styrkingarprógrammi.
hmmmm hvað annað... ég held ég láti þetta gott heita í bili klukkan orðin 12 og kominn tími til að ég fari að sofa.
Arnar vinur minn á afmæli í dag 5.apríl ætli það séu ekki tæp 30 ár síðan við hittumst fyrst þegar ég flutti í Hátúnið sællar minningar. Alltaf gott að eiga góða vini og vita af þeim á góðum stað... Til hamingju með daginn Arnar minn !!! Vonandi er þetta stutta blogg mitt nógu fín afmælisgjöf handa þér ;)
kveðja til ykkar allra
Mummi
OG JÁ OK !!!!! ÉG SKAL REYNA AÐ VERA DUGLEGUR AÐ SKRIFA