Mummi back in Iceland

Jæja, þá ættu myndirnar mínar loksins að vera komnar inn og það sem skiptir meira máli þá ættu þær að HALDAST áfram hérna inni... Það er eins og Yahoo-myndaalbúmið á vefnum, sem ég var að nota, breyti alltaf urlinu inná hverja mynd þannig að eftir vissan tíma þá ratar bloggsíðan ekki inná myndina þar sem urlið hefur breyst HEHEHE - þeir skilja þetta sem hafa eitthvað pælt í tölvum að ráði - þið hin... Látið bara eins og þið séuð með á nótunum og verið glöð að myndirnar virki :)
Endilega verið dugleg að senda inn comment hérna að neðan nú eða ef þið viljið eiga við mig orð svona undir "fjögur" þá er bara að senda póst með því að smella á linkinn hérna til hliðar hægra megin á síðunni.
Músíkpróf á morgun og svo heim á laugardaginn VEI VEI VEI - hlakka ekkert smá til !
Bestu kveðjur til allra
Mummi

Jæja.... OK !!! Myndirnar eru ekki að virka - held þetta hafi eitthvað að gera með Yahoo myndaalbúmið mitt þar sem ég geymi myndirnar - þarna úti á vefnum einhversstaðar.... - ÉG verð að finna útúr þessu sem fyrst - ekki hægt að láta síðuna standa svona !!!
Minn er að komast í hátíðarskapið - var að hlusta á íslenska jólatónlist á leiðinni heim í kvöld - meðal annars - "ég kemst í hátíðarskap... þótt úti séu snjór og krap... " Reyndar enginn snjór eða krap hérna ennþá .... -Seinni partinn í dag sýndum við Professor Moulton - tónlistarkennaranum sólóana okkar og hópverkin sem við erum búin að vera að semja. Hann gefur okkur einkunn fyrir þetta sem telur ca. 1/3 af heildareinkunn. Gekk ágætlega held ég - er bara rosalega feginn að þetta skuli vera búið. Hann er búinn að tala svo mikið um þetta allt saman og maður er búinn að vera að pæla í þessu endalaust. Áttum semsagt að setja saman annarsvegar sóló og hinsvegar hópverk þar sem við sömdum ryþma og dönsuðum við þá. Hóparnir voru allir með einhver "hljóðfæri" minn hópur t.d. með harðviðarkubba, annar með prik þriðji með hristur og fjórði hópurinn var með kodda. Margt skemmtilegt sem kom útúr þessu öllu. Fyrir sólóinn var svo kroppurinn manns eina hljóðfærið. -Ég er að hugsa um að taka að mér að skemmta á árshátíðum og svona með þessu verki mínu hehehe -Eitthvað í líkingu við Stomp allt saman - fyrir þá sem vita hvað það er.
Á morgun er síðasti kennsludagur - samkvæmt fimmtudagsstundarskrá sem þýðir að það verður annar tónlistartími seinni partinn á morgun. Þá verður farið í undirbúning fyrir próf sem er á fimmtudaginn. Allskonar spurningar varðandi nótnaskrif og svona... skemmtilegt.
VAR hálffúll í morgun - fékk mína fyrstu fjarvist í allan vetur :( -Ég hafði semsagt tekið að mér að prenta út nóturnar að hópverkinu okkar á glærur. Gerði mér ekki grein fyrir því að prentarinn minn myndi taka sér KLUKKUTÍMAOGTÍUMÍNÚTUR !!!!! í að prenta út 12 síður... ARG !!! ERGO = Mummi missti af móderntíma -síðasta tímanum með henni Pam sem er svo æðisleg !!!! - ég náði að horfa á svona seinni helminginn af tímanum hennar. En ég sem hef stært mig af því að vera ekki með eina einustu fjarvist í allan vetur þarf endilega að fá eina næstsíðasta daginn...
Oh well !!!! Það er víst ekki á allt kosið í þessu lífi
Gott fólk - ég læt þetta duga í bili - kem myndunum í lag sem fyrst, haldið bara áfram að tékka :)
ble ble
Mummi

HÓ HÓ HÓ !!!!
Mummi heilsar öllum frá landi Kókakóla-jólasveinsins :)HeHeHe -Rosalega rímar þetta flott
Hér er búið að vera mikið að gera eins og alltaf og ég ekki nógu duglegur að skrifa eins og nokkrir hafa bent mér á hér í commentum sem annarsstaðar. Það er gaman að vita að fólk lesi þetta og hafi gaman að.
Jæja - nú er ein vika í það að ég leggi í hann heim í jólafrí og ekki laust við að það sé heilmikill spenningur í manni. Það eru liðnir 4 mánuðir síðan ég sá fjölskylduna og vinina svo það verða vonandi fagnaðarfundir þegar ég kem heim.
Hér er maður búinn að vera í ýmsu - fullt að gera í skólanum að vanda... Eigum á mánudaginn kemur að sýna tónlistarkennaranum okkar Professor Moulton ryþmasóló og hópverk sem við erum búin að vera að vinna að núna í margar vikur. Við fáum svo einkunnir fyrir þetta sem gilda 1/3 af lokaeinkunn þannig að það er eins gott að standa sig. Á fimmtudaginn kemur verður svo próf í tónlist sem samanstendur af nótnalestri, hlustun og "dictation" þ.e. hann klappar og syngur einhverja takta sem við eigum svo að skrifa upp í nótum... Ekki það auðveldasta hér í heimi en mér fer óðum fram í þessu öllu. Svo er maður bara laus allra mála eftir það - verslar nokkrar jólagjafir og heldur heim á leið.
Ég er búinn að sjá nokkrar sýningar hérna síðustu vikurnar þar á meðal sýningu Pinu Bausch og Tanztheater Wuppertal - sýning sem heitir Children of Yesterday, Tomorrow and the Future. Tæplega 3ja tíma sýning með einu hléi og mér leiddist ekki baun allan tímann. Fyrsta skipti sem ég sé verk eftir hana á sviði og ég varð alls ekki fyrir vonbrigðum. En fyrir þá lesendur hérna sem ekki þekkja til þá er Pina Bausch einhver þekktasti danshöfundur Evrópu. Annars er nú samt það skemmtilegasta líklega þegar ég fór um daginn á skauta í Central Park með 3 bekkjarsystrum eftir skóla einn föstudaginn... Hef semsagt ekki komið á skauta í ein 15-20 ár held ég líklega nær tuttugu árum en hitt. Maður var náttúrulega frekar valtur fyrst til að byrja með og óstöðugur EN ég datt nú samt aldrei. Þarna voru nokkrir starfsmenn á fullu í að hjálpa fólki sem hafði dottið og svona sjá til þess að öllum reglum væri framfylgt. Meðal starfsmannanna var þarna rosalega fallegur Latino-gæji sem ég var nú bara hálf skotinn í hehehe. Ég var að leggja á ráðin við stelpurnar um að ég myndi láta sem ég dytti þarna rétt við fæturna á honum og hann myndi hjálpa mér á fætur og auðvitað falla kylliflatur fyrir þessum fallega manni frá Íslandi. Ég var samt of mikil gunga til að kýla á það fyrir utan það að ég held að þessi maður sé ekkert mikið fyrir karlmenn.... Því miður fyrir mig sniff sniff
Í gær var svo jólapartý í skólanum með fullt af allskonar heimatilbúnum skemmtiatriðum sem bæði nemendur og kennarar sáu um - mjög gaman.
Nathaniel "eigandinn" að húsnæðinu sem ég bý í og sá sem býr á fyrstu tveimur hæðunum hérna hélt jólapartý á fimmtudagskvöldið - ég veit ekki hvað hann er búinn að halda mörg partý síðan hann flutti inn hehehehe hann er alltaf að sýna vinum og kunningjum húsnæðið sem hann er náttúrulega voða stoltur af.
Jæja - ég ætla ekki að hafa þetta mikið lengra í bili
bestu jólakveðjur til allra sem ég hitti ekki fyrir jól
OG JÁ !!! endilega skoðið myndirnar hérna að neðan teknar við ýmis tækifæri af hirðljósmyndara bekkjarins hinni Kóreönsku Na-Ye Kim .... ÉG verð að fara að eignast digital myndavél svo ég geti sjálfur tekið myndir og sett inn hérna
koss og knús
Mummi

Bekkjarmynd tekin 18.nóvember þegar Robin bekkjarsystir mín átti afmæli EINSOG Pabbi minn :) Og Anna Benkovic vinkona mín...


United Colours of Benetton - Yðar einlægur - Briget afmælisstelpa og Na-Ye hirðljósmyndari


Ég, Erin sem dansaði í verkinu mínu og Ben -bekkjarsystkini mín bæði tvö


Smá skautaprufa uppí skóla áður en við fórum af stað


Á skautum í Central Park -Draumur minn síðan ég sá Love Story bíómyndina hehehe


Robin - ÉG - og Jane sem dansaði í verkinu mínu


Að lokum ein mynd úr verkinu mínu sem ég samdi í haust Lunartica -ég kem með video heim handa þeim sem vilja skoða og sjá ...