Mummi back in Iceland

Stjörnuspá

Vatnsberi

Stjörnurnar kunna að jafna út hlutina. Þær gera fjarstæðukenndustu óskir þínar alls ekki svo fjarstæðukenndar. Þú ert hreinlega alltaf á réttum stað á réttri stund. Kannski lendurðu í partíi með einu aðalátrúnaðargoðinu þínu.

OK –þetta er semsagt stjörnuspáin mín á mbl.is  í dag – OG á föstudaginn kemur hver haldiði að mæti á æfingu þá annar en Merce Cunningham sjálfur.  Ok – þetta er kannski ekki beint partý með átrúnaðargoðinu en nálægt því samt.  Dansflokkur skólans er semsagt búinn að vera æfa verk eftir Cunningham – Changing Steps og er ég búinn að vera til aðstoðar Cheryl sem kenndi krökkunum verkið og hefur stjórnað æfingum.  Núna mætir svo Merce Cunningham á föstudaginn til að samþykkja þær leiðir sem farnar eru við uppsetningu verksins og svo framvegis.  Gaman að þessu – þetta er þá í annað sinn sem maður kemst í návígi við hann kallinn en eins og einhverjir kannski muna þá kom hann með dansflokkinn sinn til Íslands haustið 2002 minnir mig.

Gaman að þessu hehehe

Brjálað að gera annars – 12 tíma dagur í dag – mætti í söngtíma kl 10 í morgun – svo í 20.aldar tónlistarsögu, þá balletttíma – svo gat sem ég notaði til að vinna verkefni fyrir “dance for camera” og hinn músík-tímann minn”  Svo Projects-class þar sem við sýnum hvort öðru verkin okkar sem við erum að semja eða dansa í.  Svo æfing fyrir mitt eigið verk sem sýnt verður í nóvember og svo frá 20:15- næstum 22 í kvöld… æfing með Ben bekkjarbróður mínum sem er að semja verk fyrir sýningu sem verður eftir ca 3 vikur.    Pheeeew segir maður bara…. Þokkalega þreyttur og því farinn í rúmið

Bless í bili

Mummi