Mummi back in Iceland

Sunday - Sunday...
jæja - þá er einni törn lokið og smá andrúm fyrir næstu törn. Fyrstu uppfærslu SADC - dansflokks skólans lauk í gærkvöldi og á þriðjudaginn kemur hefjast æfingar fyrir næstu uppfærslu sem fer á svið 1-3 desember. Ég var nú bara í einu verki núna í þessari sýningu en fyrir desembersýninguna er ég að semja ca 7. mínútna sóló fyrir sjálfan mig OG dansa í verkum tveggja bekkjarsystkina minna. Nóg að gera hjá mínum - þetta verða ca. 13 tímar á viku í æfingar. Hver danshöfundur fær 4.5 klst á viku til að æfa verkið sitt. Á mánudögum erum við svo með "projects class" þar sem við þurfum að sýna verkin okkar amk tvisvar áður en kemur að sýningu. Það er kennari sem situr yfir þessu öllu saman og svo gefur fólk komment og svona - verkin eru rædd -hvað má gera betur og hvað er gott. Phyllis Lamhut sem ég hef talað um áður hérna í blogginu kemur til með að leiða þessa tíma núna næsta tímabil. Hún getur verið rosa gagnrýnin þannig að það er eins gott að vera duglegur og vinna vinnuna sína vel.
Þrátt fyrir allt annríkið finnst mér alveg hreint ofsalega gaman í skólanum. Verkefnin sem við erum að fást við eru öll svo skemmtiega skapandi að maður vill gera þau vel. Þessvegna tekur kannski lengri tíma að vinna þau heldur en ella - ef manni þætti þau leiðinleg. Svo finnst mér alveg ofsalega gaman í söngtímum - hún er að gera góða hluti kennarinn minn - mér finnst ég heyra mun á röddinni minni bara núna eftir 3 tíma. Tímarnir eru alltaf teknir upp á kasettu þannig að ég geti hlustað og pælt vel í þessu öllu saman. Það er svo spennandi að geta tjáð sig í söng líka - ekki bara dansi og svoleiðis.
Ég hef smá játningu fram að færa.... - Ég horfi eiginlega sama og ekkert á sjónvarp hérna úti - hef bara engan tíma í það EN - um daginn var ég að skoða Skjás Eins vefsíðuna og haldið þið að ég hafi ekki bara orðið "húkkt" á Íslenska Bahcelornum :/ -ég veit ekkert sérlega flott sko en alveg ótrúlegt hvað svona getur límt mann við skjáinn/tölvuna. Ég er eiginlega mest hissa að það skuli hafa fengist fólk í þetta á litla íslandi... Kannski Ísland sé bara stærra en maður hélt.
Það er komið alvöru haust núna - 10°C úti og skýjað. Þvílík demba sem kom í gærkvöldi þegar við komum út úr skólanum eftir sýningu. Fórum saman nokkur úr mínum bekk á Greenwich Brewery sem er uppáhalds bar Valerie bekkjarsystur minnar. Tókum leigubíla þangað og alla leiðina rigndi jú talsvert en um leið og bíllinn stoppaði til að hleypa okkur út þá gerði þvílíka hellidembu að ég hef sjaldan séð annað eins. Það var eins og veðurguðirnir stæðu bara með slönguna og sprautuðu á okkur þvílíkur var krafturinn.
Ég vil óska vinum mínum í ABBA til hamingju með að eiga besta Eurovision lagið frá upphafi. Ég hef lengi verið ABBA aðdáandi - satt best að segja var ABBA fyrsta uppáhalds hljómsveitin mín sem ég man eftir. Hef varla verið mikið meira en kannski 6-7 ára. Þeir sem þekkja mig vel vita líka hvað ég er mikill Eurovision aðdáandi og ég verð nú að segja að mitt uppáhalds Eurovision lag frá upphafi er Sti Fotia sem Alexander Panai söng fyrir Kýpur hérna um árið... Kýpverjar - Tyrkir og Grikkir eru alltaf svo duglegir að nota sín þjóðareinkenni í lögin með flottum árangri. Mér finnst við Íslendingar mættum alveg prófa það :) koma með smá rímur - "fimmundarsöng" og kannski vikivaka ryþma :) Öllu blandað við nútímapopp í skemmtilega útgáfu.
Á næstu vikum er þetta "TO-DO" listinn minn :
-Semja 7 mínútna sóló fyrir 1.-3. desembersýninguna.
-Klára tríóið sem mjög líklega kemst inná sýningu 10/11 nóvember.
-Taka upp - klippa og gera klára 2-4 mínútna sjálfsmynd fyrir videotímann.
-Semja ca. 2ja mínútna verk fyrir tónlist þar sem við notum hljómborðið, hljóðeffecta, míkrófón og blöndum öllu saman í eina heild.
-Skrifa 10-20 bls ritgerð um framlag Andrew Lloyd Webber til söngleikjamenningar.
-Undirbúa 15 mínútna fyrirlestur með tóndæmum um sama efni. (Andrew Lloyd Webber)
-Klára tillögu um að fá að semja þetta einsmanns dæmi mitt í vor og fá inni á minna sviðinu hérna í skólanum...
Allskonar minni verkefni - lesa í tónlistarsögu etc...
Svo vonandi sofa smá og umgangast vini mína utan skóla....
SEMSAGT nóg að gera hjá mínum :)
Kannski best að koma sér í að gera eitthvað af þessu... hehehe
Er núna að þvo þvott - hef ekki hent í vél í tvær vikur núna og var orðið ansi lítið úrval af fötum hérna til að fara í. Þarf eitthvað að taka til og svoleiðis líka - skrifa nokkur email og svoleiðis.
Segi bara bless í bili
Mummi