Mummi back in Iceland

Ég má nú bara til með að kommentera á KFC söguna ógurlegu sem barst héðan úr borginni í síðustu viku... Mér varð náttúrulega ekkert skemmt þegar ég sá þessa frétt á MBL
Nei - þetta voru ekki risastórar bökunarkartöflur sem rúlluðu þarna um gólf, borð og bekki... Þetta voru ekta New York rottur - feitar og pattaralegar takk fyrir. Maður sér rottur mjög víða hérna oftast í neðanjarðarlestarkerfinu hlaupandi um milli teinanna og stundum uppá brautarpöllunum eða á skokki upp og niður stigana. Ég get svosem hummað þær af mér þar niðri en að sjá rottur INNI á veitingastað ÞAR SEM ÉG HEF BORÐAÐ AMK TVISVAR SINNUM !!!!! nei - það var ekki skemmtilegt :(
Held það sé nokkuð ljóst að ég mun ekki leggja leið mína þangað aftur á næstunni og líkast til bara ALDREI. -Það er reyndar orðið langt síðan ég fór þarna síðast þessi staður er ekki langt frá Gymminu þar sem ég vinn núna og bara rétt hinum megin götunnar þar sem ég tók alltaf lestina heim frá skólanum. Meðan fólk heldur áfram að henda mat á stræti og torg þá munu rottur og kakkalakkar vera viðvarandi vandamál í þessari borg sem öðrum. Annars hefur ásókn mín í skyndibita minnkað allnokkuð eftir að ég byrjaði í ræktinni og fór að borða hollari mat :) Keypti t.d. lífrænt ræktað heilhveitipasta um daginn í stað venjulega Barilla pastans sem ég hef alltaf keypt... Erin vinkonu minni fannst þetta alveg úr karakter hjá mér enda þekkir hún mig helst af því að éta næstum hvað sem að kjafti kemur -sérstaklega ef það er soldið óhollt... Ég er sekur um að hafa borðað alloft á McDonalds hérna.... EN -það hefur minnkað mikið og ég man satt best að segja ekki hvenær ég fór síðast...
Minn uppáhalds skyndibiti er Chipotle sem er mexikanskur matur "Burrito" og svoleiðis - allt hráefni hjá þeim er mjög ferskt og gott -þeir lofa því að kjötið sé "vegetarian fed" og "no antibiotics" ... þ.e. engar dýraafurðir í fóðrinu og engin sýklalyf og hormónar... Svo eru skammtarnir vel útilátnir sem er gott fyrir svangan mann eins og mig :)
Jæja - nóg um það í bili - þangað til næst...
Bæjó!!!