Mummi back in Iceland

Eitthvað ætlar nú vorið að láta á sér standa hérna úti... Búið að vera frekar kalt vor satt best að segja, komu þarna nokkrir dagar þar sem hitinn var á milli 15-20°C en svo ekki meir. Síðan er bara búið að vera hiti rétt yfir frostmarki, leiðindarigning á köflum eða bara týpískt gluggaveður - fallegt að horfa út en skítkalt að vera úti.
Mest lítið að frétta hérna akkúrat núna nema ég er ákveðinn í því að flytja heim núna í júní. Ég er ekki kominn með ákveðna dagsetningu ennþá en væntanlega fyrripart júnímánaðar.
Þetta er búið að vera frábær tími hérna - bæði í skólanum og núna eftir útskrift og vinnan við Equinox. Hef lært mjög mikið á þessum tíma. Ég er hinsvegar orðinn leiður á að búa hérna eins og ég kallað það "í sjálfskipaðri fátækt". Ég er alltof gamall orðinn til að búa svona í lítilli íbúð með meðleigjanda, hafa lítinn tíma aflögu fyrir mig og mín hugaðarefni og vinna langa vinnudaga fyrir alltof lítið kaup. Ég hef ekkert á móti því að vinna svona EN þegar maður fær borgaða 8$ á tímann fyrir svokallaðar "floor-shifts" þá fer maður að hugsa... það var nú ekki alveg fyrir þetta sem ég kom hingað og náði mér í Mastersgráðu í dansi...
Nei - Ísland kallar, ég held að mínir kraftar og menntun nýtist best í dansheiminum heima.
Rétt upp hend sem hlakkar til að fá Mumma heim?!??!??? :)