Mummi back in Iceland

Úff!!!
Ekki var það nú skemmtilegt að vakna núna í morgun rétt uppúr 5 við það einhver hrópaði "Fire! Fire!" -Ég opnaði augun og hugsaði bara með mér - ekki hérna í minni byggingu!
Það var semsagt kviknað í húsi hérna á bakvið - hinum megin götunnar, ég sá ekki eldinn sjálfan en bjarmann af honum og talsverðan reyk sem steig upp til himins. Fólk í miklu paniki að skríða útum glugga og útá brunastigana... - Ekki skemmtileg sjón að vakna upp við. Slökkviliðið var svo mætt á svæðið innan skamms og virtust hafa náð að slökkva þetta á frekar skömmum tíma. Maður heyrði þá brjóta glugga allt í kring um íbúðina sem kviknað var í og ég veit ekki hvað. Þegar svo loksins fór að hægjast um aftur voru 15 mínútur í að vekjaraklukkan mín hringdi þannig að eitthvað varð nú endaslappur hjá manni svefninn í morgun...
Ég sakna þess að hafa fullar helgar þar sem maður getur sofið út bæði laugardag og sunnudag. -Hef bara átt einn frídag í viku síðan ég byrjaði í janúar ...
Þegar þetta er skrifað er klukkan orðin hálf níu að kvöldi og ætlunin er að fara frekar snemma í háttinn... vinna klukkan 9 í fyrramálið aftur og alveg streit í gegn til klukkan 5. Fjórir kúnnar og ein "floor-shift"....
bless í bili og gleðilega páska